Philly Aros: Adolygiad o Wrecsam, Clwb Ni

Mae’r rhaglen dogfen Welcome to Wrexham ar Disney+ wedi creu llawer o gyffro o gwmpas CPD Wrecsam wrth gwrs, oherwydd ei fod o’r rheswm Ryan Reynolds a Rob McElhenney wedi prynu’r clwb yn y lle cyntaf wrth gwrs, ac mae’r rhaglen wedi denu sylw o gwmpas y byd ers darllediad. Felly does dim bai arnoch chi os wnaethoch chi ddim sylwi fersiwn Cymraeg yn digwydd ar S4C ar yr un pryd â’r gyfres gyntaf Disney. Dim siawns o herio’r gyfres Disney yng Nghymraeg yn anffodus (a’r diffyg cyllideb debyg), ond roedd y gyfres yn ddifyr, efo ffocws ar y clwb drwy ddiwylliant Cymraeg.

Roedd y cynhyrchwyr yn ddoeth i gynnwys Maxine Hughes, gwyneb enwog o’r hysbysebiad Disney, yn ogystal â Wrexham Lager, radio cymuned, ac adolygiad y tymor. Roedd dau peth diddorol yn benodol. Chwaraeodd Lili Jones rhan o’r gyfres S4C cyn iddi hi ymddangos ar y gyfres Disney, rhywbeth ble S4C wedi bod yn fwy clyfar na’r tîm Disney i ddangos stori ddynol ysbrydoledig cyn iddyn nhw sylwi. Hefyd, doedd dim gymaint o ffwdan am y teulu yn y rhaglen, tair cenhedlaeth o gefnogwyr ymrwymol. Roedd cymeriadau dadleuol yn y sioe Disney ond mae’r teulu S4C wedi ymddangos yn fwy normal a gwir, ac yn haws i hoffi na rhai pobl yn Welcome to Wrexham. Mae’r gyfres Disney wedi trwsio rhai o broblemau o’r gyfres gyntaf, felly basai hi’n ddidorol i weld os mae Clwb Ni wedi copïo steil Disney neu barhau efo eu dulliau eu hunain.

PENNOD 1

Roedd llawer o bethau i drafod, hyd yn oed ar ôl ragymadrodd hir i ddangos popeth – mor hir ro’n i’n tybed os oedd angen i wylio’r rhaglen i gyd! Fel rhai o’r penodau o’r ail gyfres Disney, roedd y bennod yn gyflym, yn symud o thema i thema, tipyn bach yn rhy gyflym weithiau.

Ar ôl i’r gyfres gyntaf orffen wedi methiant yn y gemau ail-gyfle, felly roedd llawer o bethau i weld i ddal i fyny, gan gynnwys dyrchafiad o’r National League a’r achlysur o’r tîm merched yn chwarae yn y Cae Ras am y tro cyntaf. Mae’r ddau beth yn teimlo fel oesoedd yn ôl rŵan oherwydd llwyddiant i’r dynion a merched ers hynny, ond mae’n werthfawr i atgoffa eich hunain eto, a’r emosiynau wedi creu ganddyn nhw. Roedd Lili Jones yn y canol o’r ddau beth eto – mae hi’n cynrychioli ei hun a’i theulu mor dda mae’n hawdd anghofio ei bod hi wedi mynd drwy rywbeth trasig. Ond mae hi’n dangos ei dewrder a chryfder bob tro, ac yn chwarae’n dda ar y cae hefyd. Bydd gôl fythgofiadwy ganddi hi i ddod ar y sioe dw i’n siŵr…

Roedd cymysg o gefnogwyr ar y sioe. Tomi Caws fel cefnogwr am oes – tybed os bydd y sioe’n edrych am yr effaith o bobl fel fo’n colli eu swyddi newyddiadur. Dyma bwnc yn dangos chwaraeon a chyfryngau’n newid yn negyddol (hyd yn oed mae Henry Winter wedi bod yn diswyddo felly mae’n galed i bawb yn y diwydiant, yn enwedig yn y gwasg lleol). Cledwyn fel gweithiwr am amser hir hefyd, y fath o gymeriad sy’n gweithio’n ddiflino am bob clwb heb gymaint o ganmoliaeth. Ond gwelon ni gwynebau gwahanol hefyd; y “Wrexpats”, yn defnyddio’r clwb i gysylltu â’r hen wlad, cefnogwyr sydd wedi gwneud ffrindiau newydd yn Wrecsam, a hyd yn oed Ffion o Benygroes. Dw i’n disgwyl trafod ei thriniaeth ar-lein y tro nesa (dyfyniad “ddim yn fêl i gyd” iddi hi yn ystod y rhaghysbyeb pennod 2), ond mae’n werthfawr i gofio sut mae McElhenney yn trafod yr orymdaith dyrchafiad. Daeth 40,000 o bobl allan i weld y bws drwy’r strydoedd; mae’n amhosib ffitio nhw i gyd yn y Cae Ras, felly roedd cefnogwyr hen a newydd yno, rhai sy’n dod i gemau bob wythnos, ac eraill efo perthynas achlysurol i’r clwb. Mae pobl isio gweld y clwb yn tyfu, felly bydd cefnogwyr newydd yn bwysig, a sut maen nhw wedi dod i’r clwb yn ongl ddiddorol i’r cwmnïau teledu. Bydd rhaid i ni barchu cefnogwyr newydd i gadw arian yn dod i mewn…

Roedd y ffocws ar gemau cyfeillgar yn America’n ddiddorol hefyd. Dw i ddim siŵr bod Cymru’n gwneud digon o’r cysylltiad efo America a’r arlwyddion gynnar, felly ro’n i’n hapus i weld darn am y pwnc yn Pennsylvania. Roedd darnau a’r dathliadau Las Vegas a’r anafiad Paul Mullin yn y gyfres Disney, felly doedd dim amser i gynnwys rhywbeth yn y sioe ‘ma, y tywydd ofnadwy a pheryglus yn Philadelphia. Ar ôl yr ymdrech i fynd yno, basai’r amodau wedi bod yn siomedig i’r teithwyr, ond maen nhw wedi gwneud y gorau allan o’r sefyllfa. Dw i wedi bod yn feirniadol am y bennod Welcome to Wales yn y gyfres Disney, ond dw i ddim yn gallu pwysleisio’r bennod yn stereoteipio pan cefnogwyr gwlyb yn codi eu hysbryd wrth ganu Calon Lân o dan yr eisteddle!

Felly mae S4C wedi defnyddio pennod brysur i ymdrin â’r dyrchafiad a’r haf. Falle ychydig rhy brysur – falle basai mwy o benodau byrrach wedi bod yn well. Ond roedd y bennod yn ddifyr ac yn defnyddio pynciau na’r gyfres Disney weithiau. Mae’n bwysig i’r gyfres ddod o hyd eu ffocws eu hunain, ac mae’n gwneud hynny hyd yn hyn.

Ellesmere 3 Newport 1 7/5/2024

Mae pethau wedi dod yn anodd i Ellesmere Rangers. Ro’n i’n yma’r llynedd i weld gêm ddi-sgôr (a heb ddigwyddiadau tan y munudau olaf) ym mis Ionawr, ble bwyta fflapjac blasus cyn y gêm oedd yr uchafbwynt. Ond er gwaetha gêm ddiflas yn yr oerfel, roedd y tymor yn eitha llwyddiannus ar y cae, yn gorffen yn 6ed yn Adran De o’r gynghrair North West Counties. Ond trodd amgylchiadau’n waeth dros yr haf; penderfynodd y clwb i adael y gynghrair (lefel 6 o’r system non-league yn Lloegr) ac yn chwarae yn y gynghrair Shropshire, oherwydd costau gweithrediad a thrafferth i ddenu hyfforddwyr efo cymhwysterau addas. Mae’n wastad yn drist i weld clybiau’n gwneud penderfyniadau anodd fel hyn, ond gobeithio maen nhw’n cyfle i ail-adeiladu ac yn cystadlu’n gryf mewn lefel isaf…

Wel, doedd hynny ddim yn digwydd. Efo dwy gêm ar ôl (falle dim ond un, dw i ddim yn siŵr os bydd y gêm oddi cartref yn erbyn Dawley yn cael ei ail-drefnu) dim ond gwahaniaeth goliau oedd yn gwahanu Ellesmere o’r safle gwaelod, ble mae cymdogion St Martin’s yn eistedd – clwb arall efo hanes heriol diweddar yn y gynghrair North West Counties. Gwelais i Ellesmere yn curo St Martin’s 7-0 llai na 3 flynedd yn ôl, ond mae’r frwydr rhwng y ddau’n hollol wahanol ar hyn o bryd! Ond hwn oedd un cyfle i newid y stori yn Ellesmere. Mae Newport (ddylen ni ddefnyddio Casnewydd i ddisgrifio’r tîm Saesnig?) yn saff yn 11eg allan o 17, heb gyfle o’r gemau ail-gyfle, ac roedd rhaid iddyn nhw setlo am gêm gyfartal 1-1 pan aeth Ellesmere yno ym mis Medi. Ar ôl 8 gêm heb fuddugoliaeth, falle cyfle i newid pethau yn erbyn ymwelwyr heb fuddugoliaeth yn bedwar gêm.

Dw i newydd ddarllen All The Wide Border gan Mike Parker, sy’n astudio hanes a hunaniaeth ar y ffin rhwng Cymru a Lloegr. Gwelais i’r ddau ochr yma; cyn y gêm yn y clwb cymdeithasol, ble mi ges i brofiad neis gan gynnwys bwyd a diod rad (hanner peint o Neck Oil am bris rhesymol!) ond efo llun o’r frenhines ar y wal. Mae’r llyfr Parker yn cyfaddef bod Croesoswallt wedi dod yn fwy Saesnig na’r gorffennol, ond mae llawer o gefnogwyr Wrecsam yno o hyd. Falle mae’r ffin yn Ellesmere yn dal yn y fantol – roedd criw o arddegau yno’n creu sŵn uchel i gefnogi’r tîm gartre, gan gynnwys drwm wedi gwneud allan o fwced, caneuon fy mod i’n adnabod o Wrecsam (gan gynnwys fersiwn ei hun o’r gân James McClean) a dwy faner Cymru (ond un Chile ac un India hefyd!). Ro’n nhw gwisgo cymysg o grysau pêl-droed (Blackburn a LA Galaxy yn ogystal â Barcelona fel arfer) ond gallwn i deimlo’r frwydr rhwng Wrecsam ac Amwythig ar y ffin yn symud yn ôl ar ôl flynyddoedd o Amwythig yn dominyddu. Neis i weld criw o gefnogwyr ifanc yn cefnogi’r tîm yn angerddol beth bynnag, ond dw i ddim yn siŵr beth basai’r rhieni yn meddwl am eu rhegi!

Weithiau mae’n amlwg pwy sy isio’r fuddugoliaeth mwy. Roedd y perfformiad hanner cyntaf yn gampus gan Ellesmere, yn gwneud eu safle yn y tabl yn edrych yn wirion. Ro’n nhw’r tîm gwell o’r chwiban cyntaf, dylen nhw wedi sgorio yn y munud cyntaf, yn methu gwneud cyffyrddiad o flaen y gôl, ond doedd dim angen aros am amser hir i sgorio’n gyntaf. Daeth y gôl wedi pum munud, gwaith da i sbïo Louie Middleton ar y chwith mewn gofod, a gyrru pas yn croesi’r cae ato fo, cyn iddo fo lithro’r bêl heibio’r gôl-geidwad, ac yn gwneud y cefnogwyr ifanc yn mynd yn wyllt. Do’n nhw ddim yn fodlon efo un, yn taro’r postyn efo peniad, yn gorfodi arbediad pwysig un yn erbyn un, ac yn creu llawer o bwysau a chiciau cornel. Ar ôl i un ohonyn nhw daro’r postyn yn uniongyrchol, ac yn methu o’r adlam rhywsut, mi ges i synnwyr o’r posibilrwydd o Ellesmere yn difaru methu gymaint o gyfleoedd…

Ar ôl hanner awr daeth y pei cwstard. Mi gaeth Newport gic rydd wrth ymyl y cwrt cosbi, yn arwain i’r arbediad cyntaf gan gôl geidwad Ellesmere, ond ymhen eiliad roedd trosedd a chic o’r smotyn – dim amheuaeth. Er gwaetha’r cynnig criw ifanc i effeithio’r chwaraewr Newport, roedd o’n gallu sgorio – dyma’r lwc ar y gwaelod. Cyn bo hir daeth rhywbeth annhebyg o fywyd ar y gwaelod; ymhen dau funud sgoriodd Ellesmere eto, Middleton eto oddi ar y postyn wedi’r un bêl i agor yr amddiffyn i greu’r gyntaf. 2-1 i’r tîm gartre ar yr egwyl ac yn hollol haeddiannol.

Doedd yr ail hanner mor fywiog â’r gyntaf ond roedd y gêm yn gystadleuol, ac eto roedd y tîm gartre’n edrych yn well nag eu safle yn y gynghrair. Gaethon nhw gyfle i sicrhau’r fuddugoliaeth un yn erbyn un, wedi’i beidio gan y gôl-geidwad. Mi gaeth Newport gyfle tebyg, ond roedd yr ergyd heibio’r postyn. Hwn, a dau gyfle eraill ger y diwedd, nad oedd yn argyhoeddiadol, yn dangos yn union pam nad ydyn nhw’n debygol i adael efo’r pwyntiau. Ar ôl gyfnod tawel yn y gêm, gwnaeth asgellwr ddianc Ellesmere ar y dde i greu cyfle hawdd i “Kizza” (diolch i’r gwirfoddolwr cyfrwng cymdeithasol am hynny o leia!) ac yn rhoi’r gêm sgôr sydd wedi adlewyrchu’r perfformiad i gau tymor anodd iawn.

Er gwaetha’r tymor, dylai Ellesmere osgoi’r safle gwaelod. Wnaethon nhw ennill o gwbl tan 2024, ond wedi cael chwe buddugoliaeth yn y flwyddyn newydd, felly gobeithio byddan nhw’n dod ag hyder i’r tymor newydd wedi’r haf. Mwynhewch y traeth, mae Newport yno’n barod!

SUMMARY SAESNEG

Identity is fluid on the North Wales/Shropshire border. Ellesmere’s performance made a mockery of their position in the table, especially in the first half. Most clubs at this level could do with the group of teenage fans that came to this game, albeit with less of the language…

Wrecsam 2 Stockport 1 27/4/2024

Gêm derfynol y tymor i Wrecsam, un i ddathlu ac amser i fwynhau’r prynhawn heb bwysau ar y canlyniad. Gallech chi meddwl roedd mwy yn y fantol wrth wylio Stockport yn codi’r tlws League 2 wythnos diwetha; cyn-chwaraewr Caer Antoni Sarcevic yn canu cân gwrth-Wrecsam, a sawl cefnogwyr Stockport yn gorddweud am eu llwyddiant fel rhywbeth i godi cywilydd ar Wrecsam? Wel, dw i ddim yn ymwybodol am unrhyw un sy’n poeni am setlo am ddyrchafiad heb y pencampwriaeth (yn enwedig cefnogwyr Caer, Antoni), felly mae’n i weld fel bobl pêl-droed yn dangos eu penolau, fel arfer. Mae gemau yn erbyn Stockport yn annog ymddygiad fel hyn, ond dw i ddim siŵr pam. Dw i ddim yn credu bod unrhyw cefnogwr o’r ddau clwb yn ystyried y llall ar frig y rhestr o gelynion. Ond dw i ddim yn cofio unrhyw gêm yn erbyn nhw yn pasio heb ychydig o gas. Un atgof doniol oedd yn sefyll yn y Turf ar ôl gêm ac yn clywed gweiddi uchel tu allan. Ymddangosodd rhywun o flaen fy ngwyneb i weiddi “wyt ti’n mynd i ymladd i Wrecsam!!!” – edrychais ar fy mheint llawn heb ddweud un gair, ac mi aeth o i’r drws mewn tawelwch.

Dw i wedi sgwennu am benderfynu fy nghyfnod fel perchennog tocyn tymor oedd yn dod i ben yn ystod gêm gartref yn erbyn Stockport yn 2019, ac yn treulio’r ail hanner yn y dafarn. Roedd rhan o’r bai ar fomiau mwg ar y pryd, rhywbeth sydd wedi dod pwnc llosg eto rhywsut. Mi gaeth cefnogwyr eu dal efo nhw ar ôl iddyn nhw fynd ar y cae wedi’r gêm fawr yn erbyn Forest Green, ac wedi derbyn gwaharddiad o gemau. Roedd llawer o ddadl am yr amgylchiadau, ac yn y diwedd daeth Rob McElhenney i mewn i’r drafodaeth. Mae’n i weld fel y clwb wedi newid eu meddyliau am y gwaharddiadau – nid y tro cyntaf maen nhw wedi gyrru un at gefnogwyr am resymau annheg – ond y tro cyntaf mae’r perchnogion wedi achub rhywun sydd wedi ymddangos yn y rhaglen dogfen. Llawer i bigo yno, yn enwedig gan bobl yn hongian baneri gwrth Fleur Robinson nos Wener, ond cyn y gêm ‘ma roedd y clwb yn awyddus i gyhoeddi eu bwriad i gosbi unrhyw un yn trio rhywbeth tebyg eto. Basai hi wedi bod yn bositif i glywed rhywbeth arall am y penderfyniad i ddiddymu ail gemau yn y Cwpan FA, ond byddwch chi’n aros am amser hir i glywed unrhyw beth gwrth yr awdurdodau gan glwb dan reolaeth Shaun Harvey wrth gwrs…

Rhai pethau annisgwyl i gychwyn, ro’n i’n disgwyl Phil Parkinson i ddewis chwaraewyr yn debygol i adael y clwb, ond dechreuodd y tîm cryfach, gan gynnwys Luke Young oherwydd anafiad George Evans, ond Ben Tozer a Mark Howard ar y fainc, a dim byd o gwbl i Aaron Hayden neu Jordan Tunnicliffe. Roedd pawb yn disgwyl yr awyren yn cario neges cefnogwyr Stockport i ni ond dw i ddim yn deall y rheswm am hynny achos does neb yn gallu ei ddarllen! Roedd hi’n annisgwyl i weld hanner cyntaf mor dda gan Stockport chwaith. Roedd cyfleoedd i Ollie Palmer i Wrecsam, un ar ôl i Ben Hinchcliffe ddod allan o’r gôl heb gosb, ac un arall wedi symudiad da rhwng Cleworth, Barnett a Cannon. Ond roedd hi’n anodd am weddill yr hanner, efo Stockport yn edrych yn daclus a bywiog. Collodd Sarcevic un yn erbyn un ond doedd dim dianc am amser hir. Sgoriodd Connor Lemonheigh-Evans pan agorodd yr amddiffyn wedi hanner awr, a pherderfynodd o dilyn patrwm y dydd gan dathlu o flaen y cefnogwyr Wrecsam heb edrych ar ei gefnogwyr ei hun o gwbl – tipyn bach yn gwirion.

Roedd angen i ail-drefnu yn ystod yr egwyl a daeth yr effaith yn syth wedi’r ail-gychwyn. Daeth pas wych drwy’r canol i ddod o hyd Ollie Palmer yn yr ail munud, ac roedd o’n cryf a gosteg cyn iddo fo orffen i newid y gêm. Heblaw un cyfnod ble Stockport ergydiodd heibio’r postyn yn agos, roedd yr ymwelwyr yn hapus i fod yn amyneddgar heb gymaint o berygl, ac mi gaeth Wrecsam fwy o feddiant peryglus na’r hanner cyntaf. Ond ro’n ni’n disgwyl gêm gyfartal pan, allan o nunlle, daeth ergyd pwerus gan Andy Cannon i gipio’r tri phwynt. Ar y pryd ro’n i’n siarad amdano fo fel fy chwaraewr y tymor, fel arfer dw i ddim yn edrych pa mor clyfar!

Erbyn y diwedd doedd dim byd yn y fantol ar ôl heblaw cystadleuaeth canu, “Champions Again” v “It Took You Two Years”. Er gwaetha’r sylwadau gwirion cyn (ac yn ystod!) y gêm gallech chi deimlo awyrgylch gwell nag arfer, yn gadael y ddau dîm i dderbyn llongyfarchiadau oddi wrth eu cefnogwyr. Falle bydd yr ymddygiad gwael yn dychwelyd yn League 1 ond mae’n well hebddo fo. Roedd canol y dref yn gorlawn ac yn barod am barti arall – mwynhewch!

SUMMARY SAESNEG

Not the game for a slightly fractious week but it was a nicer atmosphere than usual against Stockport. A game of two halves settled by a thunderous strike. It’s unusual to look as smart as when you discuss your player of the season and he immediately scores.

Llansantffraid 2 Rhos Aelwyd 2 23/4/2024

Mae’n hawdd anghofio’r ffaith bod Y Seintiau Newydd oedd y clwb yn torri’r rhediad o bencampwriaethau gan un tîm yn dominyddu tymor ar ôl tymor yn y gorffennol. Yn 2000, sylwais i lun o’r pencampwyr cyfoes ar wal yn ystod fy nghyfweliad swydd gyntaf erioed, yn TNS yng Nghroesoswallt. Ches i ddim y swydd, ar ôl ddau gyfweliad, broses digon hir a thorcalonnus i baratoi fy hun am weld Y Seintiau’n diflasu’r cefnogwyr clybiau eraill. Ond do’n ni ddim yn gwybod hyn ar y pryd, dim ond diolchgar am rywun, unrhywun o gwbl, yn peidio un bencampwriaeth am fynd i’r Barri eto. Aeth y teitl i Llansantffraid, ac aeth sawl mwy yno hefyd. Ond mae pethau’n wahanol yno rŵan wrth gwrs…

Mae atgofion yn bwrw cysgod hir yn Llansantffraid. Roedd y cydsoddiad rhwng TNS a Chroesoswallt yn 2003, a’r symudiad i Neuadd y Parc yn 2007, ond roedd hi’n bosib dod o hyd gwirfoddolwyr yn hapus i feirniadu’r Seintiau yn ystod fy ymweliad cyntaf i Llansantffraid yn 2021. Hwn oedd noson ryfedd beth bynnag, y gêm olaf yng Nghymru cyn egwyl am fis i bêl-droed oherwydd y cyfyngiadau olaf Covid. Mi gaeth bêl-droed a chlybiau nos eu gwahardd ond dim byd eraill, ond mae gen i ddiddordeb yn dim ond un ohonyn nhw. Roedd eu gêm yn erbyn Aber-miwl yn un adloniant, 6-2 i’r tîm gartre, felly ro’n i’n gobeithio am rywbeth tebyg heno heb y tristwch.

Mae’r gemau’n dod yn aml ym mis Ebrill. Daeth Rhos Aelwyd i Dreflan yn Ardal North East, dim ond ddeg diwrnod ers chwarae yn erbyn ei gilydd yn Rhos. Enillodd Rhos 2-0 ond roedd hi’n dal yn anodd rhagweld yr enillydd heno, efo dim ond un pwynt yn cadw Rhos uwchben Llansantffraid. Mae’r ddau glwb yn saff ynghanol y tabl ond bydd Llansantffraid yn hapusach na’r ymwelwyr. Mi ddaeth Rhos yn 6ed yn yr un adran y llynedd felly bydd hi’n anodd gorffen mor uchel eto. Dyma’r tymor cyntaf yn yr ardal i Llansantffraid ar ôl ddyrchafiad, wedi’i ennill oherwydd y broses trwydded ar ôl iddyn nhw ddod yn 3ydd yn lefel 4. Maen nhw wedi gwneud yn dda i fod yn saff o’r cwymp, ond daethon nhw i’r gêm heb fuddugoliaeth yn saith gêm. Roedd y cyflwr Rhos yn well, gan gynnwys gêm gyfartal yn erbyn Penrhyncoch, y pencampwyr tebygol.

Ar ôl ymweliad cyflym i’r clwb cymdeithasol, ble dw i’n meddwl rhai pobl oedd yn yfed ar ôl angladd, aethon ni i’r eisteddle. Mae eisteddle mawr tu ôl y gôl, ond mae arwyddion o broblemau achos rhai pobl wedi torri rhes o seddi, rhywbeth rhy gyffredin yn bêl-droed lleol. Penderfynon ni i sefyll tu ôl y seddi, a gwelon ni hanner cyntaf fywiog iawn. Roedd y ddau dîm yn awyddus i ymosod o’r munud cyntaf, efo angen arbediad da gan David Jones, gôl-geidwad Llansantffraid, ac un cyfle arall ble’r ymosodwyr Rhos rhwystrodd ei gilydd. Roedd Llansantffraid yn agos unwaith yn benodol wedi rhediad troellog cyn iddyn nhw daro’r trawst – basai hynny fod wedi bod yn gôl anhygoel. 

Yn araf dechreuodd Rhos ddominyddu, ac allai’r tîm gartre ddim yn cadw Rhos allan. Daeth y cyntaf wedi 36 munud gan James Haynes, wedi’i helpu gan wyriad bach. Roedd Rhos yn awyddus i fanteisio ar gyfnod cryf, a daeth yr ail o gic rydd wedi 44 munud gan Aled Bayley, wedi’i helpu gan wyriad enfawr y tro ‘ma, yn gadael David Jones yn gweiddi cyn i’r bêl guro’r rhwyd. Perfformiad perffaith oddi cartref… ond roedd digon o amser i orfodi cic rydd eu hunain gan Llansantffraid. Efo cic olaf yr hanner, curodd James Clewlow ergyd fel bwled i adael rhywbeth i gydio wrth ar yr egwyl.

Do’n i ddim yn disgwyl pethau i newid pa mor gyflym wedi’r egwyl. Yn syth ar ôl y gic gyntaf, aeth bas drwy’r canol yn gadael ras rhwng gôl-geidwad Daniel Roberts a Chris Aitken. Cyrhaeddodd Aitken y bêl yn gyntaf i sgorio. Doedd dim gymaint o gyffro wedi hynny, efo llawer o ymdrech ond y ddau dîm oedd yn canslo ei gilydd. Roedd gamgymeriadau gan Jones yn y gôl Llansantffraid ond, diolch byth, dim byd i golli’r gêm, a bydd y ddau dîm yn hapus i rannu’r pwyntiau. Hyd yn oed ar ôl i’r gêm fynd i’r diwedd heb gyfle gwych i gipio’r tri phwynt, roedd y gêm yn ddifyr wedi’r cyfan. Roedd hi’n bosib chwarae’r gêm heb gymaint o ymrwymiad heb bethau yn y fantol, ond daeth y reddf gystadleuol i’r arwyneb. Dylen ni ganmol y chwaraewyr.

SUMMARY SAESNEG

The spirit of TNS title triumphs casts a long shadow at Llansantffraid. The two teams could have been forgiven for not being as committed as they were. Give space to social club drinkers in case they’ve been to a funeral.

Yr Wyddgrug 0 Fflint 4 16/4/2024

Oherwydd y ras ar frig y tabl, a’r nifer o gemau ar ôl oherwydd y tywydd, mae gan Cymru North wythnos brysur. Mae’r gynghrair wedi ymestyn y tymor erbyn wythnos, ac yn croesi bysedd na fasai mwy o gemau wedi gohirio. Roedd llawer o gemau wedi’u symud i gaeau 4G i adael sefyllfa hylaw. Hefyd roedd gymaint yn y fantol ar y cae beth bynnag. Basech chi’n disgwyl Treffynnon i ennill y bencampwriaeth oherwydd gemau ar ôl ble dylen nhw ennill. Tasai Fflint yn ennill yn Yr Wyddgrug, bydd angen un pwynt mwy o leia gan Dreffynnon ar y dydd olaf i sicrhau’r bencampwriaeth (efo Treffynnon yn ennill un awr yn hwyrach heno). Ond fel arfer mae pethau’n fwy cymhleth yng Nghymru…

Mae’r broses o gael trwydded i gael dyrchafiad yn un dadleuol. Dw i’n cytuno efo’r syniad oherwydd yr angen i godi safonau ym mhob adran, ond dydy’r broses ddim yn teimlo’n hollol agor, a gallech chi’n dweud bod hi’n deg i adael un tymor i glybiau newydd i gyrraedd y safonau ar ôl dyrchafiad. Mae Treffynnon wedi methu’r broses, dydyn nhw ddim yn apelio, ac mae Fflint ac Airbus wedi llwyddo, felly er bosibilrwydd cryf o weld y tlws yn mynd i Dreffynnon, mae aneliad gwahanol i Fflint. Roedd y gêm yn Yr Wyddgrug yn un wrth gefn, a basai buddugoliaeth Fflint yn golygu dim siawns i Airbus, ac yn gadael cyfle i Fflint ar y cae ond yn ennill dyrchafiad oddi ar y cae ar yr un pryd! Mae hynny wedi digwydd yn y gorffennol mwy nag unwaith, dw i’n cofio Derwyddon Cefn yn sicrhau dyrchafiad o’r ail safle cyn iddyn nhw golli 7-0 i’r pencampwyr Caernarfon. Ond edrychwch ble mae Caernarfon a Derwyddon rŵan – weithiau mae methiant yn creu rhywbeth cryfach yn y dyfodol.

Beth bynnag sy’n digwydd mae Sir Fflint wedi dominyddu’r gynghrair, yn cymryd safleoedd 1-4 yn y tabl. Doedd Yr Wyddgrug byth yn y ras i ennill y gynghrair ond maen nhw wedi cael tymor llwyddiannus. Mae safle pedwerydd yn berfformiad positif iawn ganddyn nhw, ac maen nhw’n edrych ymlaen at y gêm derfynol o’r cwpan Gwasanaeth Gwaed Genedlaethol ar yr 20fed yn erbyn Briton Ferry. Bydd y gêm yn heriol iawn yn erbyn y tîm sydd wedi sicrhau eu lle yn yr Uwch Gynghrair y tro nesa. Oedd hi’n bosib gallai’r chwaraewyr Yr Wyddgrug yn mynd yn haws i achub eu hunain am y gêm derfynol a dim byd ar ôl i ennill yn y gynghrair? Rhywbeth i ystyried – basech chi’n disgwyl Fflint i eisiau’r fuddugoliaeth yn fwy.

Gorfododd Yr Wyddgrug gic cornel yn y munud cyntaf ond roedd rhaid iddyn nhw dreulio gweddill yr hanner yn amddiffyn. Mi gaeth Fflint ddau gyfle i sgorio yn y deg munud cyntaf, peniad yn erbyn y trawst gan Akpa-Akpro ble dylai fo wedi sgorio, ac un arall wedi’i chlirio oddi ar y llinell. Roedd ergydion agos dros y trawst gan Ben Hughes a Jake Phillips hefyd cyn y moment mawr. Mewn cwrt cosbi brysur, gwelodd y dyfarnwr llawio gan amddiffynnwr Yr Wyddgrug. Ymddangosodd y penderfyniad yn llym, ond nad oedd Josh Jones yn poeni am hynny, i adael Fflint ar y blaen yn ystod hanner amser.

Roedd Yr Wyddgrug yn fywiog ar ôl yr egwyl, yn creu gofod ar y dde a Fflint oedd yn lwcus i ddianc dwywaith heb gosb, yn enwedig y tro cyntaf ble roedd y bêl yn sownd dan y traed ymosodwyr Yr Wyddgrug. Dyma amser peryglus ar y gwrthymosod wrth gwrs, ac aeth yr ail gôl gan Elliott Reeves wedi tafliad hir ar ôl 65 munud. Chwarae teg i’r Wyddgrug achos roedd angen dau arbediad gan Rhys Williams yn y munudau wedyn. Daeth y prif sgoriwr Danny Warren ar y cae wrth Yr Wyddgrug yn teimlo’n hyderus (pam nad oedd o’n dechrau?)…ond roedd Fflint yn barod i fanteisio ar ei dulliau ymosodol. Sgoriodd Josh Jones ei ail wedi 73 munud â foli anhygoel oddi ar y postyn. Llawer o amser iddo fo gyflawni hatric, a gwnaeth o hynny yn amser ychwanegol tra’r amddiffyn yn blino. Felly mae Fflint yn gallu dathlu dyrchafiad efo gêm ar ôl er amgylchiadau anfodlon, ond byddan nhw’n gobeithio am golled Treffynnon ar nos Wener i gipio’r bencampwriaeth. Mae’r sefyllfa yno wedi dod hyd yn oed mwy cymhleth oherwydd damwain meddygol yn achosi eu gêm yn erbyn Llanidloes i beidio – rhaid iddyn nhw drio eto rhywbryd.

Noson dda iawn ym Mharc Alyn ble mae’r tîm gartre yn gallu bod yn hapus efo eu hymdrechion er y sgôr – pob lwc yn dod â’r tlws i’r Gogledd dros y penwythnos! A diolch am ddarparu teganau a llyfrau lliwio yn y clwb cymdeithasol – mae fy merch wedi mwynhau rheina.

SUMMARY SAESNEG

The constant off-field shenanigans of Welsh football made this game more live than it would otherwise have been. Flint dominated despite Mold’s hard work, but were more clinical when counter attacking. The toys and colouring books in the social club were a nice touch.

Wrecsam 4 Crawley 1 9/4/2024

Mae tensiwn yn cynnyddu ac mae nerfau’n crynu wrth Wrecsam yn agosáu at ddyrchafiad eto. Mae’r tymer ar gyfrwng cymdeithasol yn un gobeithio am ddim ond gwneud y swydd heb gymaint o ffys a phroblemau. Falle llai o ffys na’r gêm oddi cartref yn erbyn Colchester dros y penwythnos. Roedd angen gôl brin yn hwyr gan Max Cleworth i sicrhau’r tri phwynt, ac roedd materion dadleuol i drafod. Yn gyntaf, roedd sôn gan Danny Cowley, rheolwr Colchester, am chwaraewyr Wrecsam yn ymladd yn y tynal wedi’r hanner cyntaf, ond baswn i’n awgrymu dylai fo canolbwyntio ar ei chwaraewyr ei hun. Yn ail, mae Paul Mullin wedi cwyno am gefnogwyr Wrecsam yn canu am gyflwr gwael oddi cartref y tîm. Mae cefnogwyr yn awyddus i amddiffyn y gân, yn dweud ei bod hi’n eironig, ond dw i’n cytuno â Mullin. Mae cefnogwyr Wrecsam yn tueddu gorymateb i’r colledion, felly does dim byd eironig yno, yn enwedig achos mae’r cyflwr oddi cartref yn 5ed yn y gynghrair. Bydd angen iddo fo groen trwchus os mae cyflwr yn dod yn wael mewn gwirionedd, dydy Mullin ddim wedi clywed camdriniaeth waethaf y cefnogwyr. Ond mae o’n gywir am y gân, a does dim rhaid iddo fo gyfiawnhau mynegi ei farn.

Ro’n i’n ystyried gêm yn y Cymru North ond wrth ystyried y tywydd, sydd wedi achosi’r gemau’n cael ei ohirio beth bynnag, a’r cynnig o’r tocyn sbâr, gwnes i baratoi am y gwynt a glaw, dan do diolch byth, i fynd i Wrecsam eto (gwaith da i’r staff Wrecsam am gadw’r gêm yn addas i chwarae wedi’r tywydd a’r nifer o gemau’n ddiweddar). Mae’n bosib hwn oedd fy ngêm olaf yno’r tymor ‘ma, felly mae’n teimlo fel y penderfyniad cywir. Roedd y gêm ar ôl yn un bwysig i ennill, i greu bwlch rhwng Wrecsam a’r cystadleuwyr Milton Keynes, ond doedd dim byd hawdd am y her i ennill y pwyntiau. Mae Crawley yn ymladd i ymestyn eu tymor, yn dechrau’r diwrnod yn y safle ail-gyfle olaf, felly basai unrhyw fath o fuddugoliaeth yn ddigon da (tebyg i’r buddugoliaeth 1-0 oddi cartref).

Falle dylwn i wedi bod yn fwy uchelgeisiol. Dechreuodd Crawley fel tîm llawn o hyder, yn gyfforddus ar y bêl, hapus i basio oddi wrth yr amddiffyn, ac yn ymestyn amddiffyn Wrecsam, ond heb drafferthu Arthur Okonkwo yn y gôl. Pan ddaeth y gôl agored i Wrecsam wedi 21 munud mi ddaeth o allan o nunlle, efo pêl hir yn dod o hyd y sgoriwr annhebygol Ryan Barnett ar y postyn pellach. Ymhen ddau funud daeth yr ail ar ôl symudiad gwych rhwng Barnett, Andy Cannon a, pwy arall, Paul Mullin. Roedd gweddill yr hanner yn gyfforddus i Wrecsam, a jyst cyn yr egwyl dylai Ollie Palmer wedi penio’r trydydd pan gallai’r gôl-geidwad dim ond gwylio’r pêl mynd heibio’r postyn. 

Mae pobl yn dweud bod 2-0 yn fantais beryglus, ond dydy hynny ddim yn wir ar noson fel hyn. Roedd Crawley yn awyddus i barhau efo’r cynllun, a dw i wedi gweld timau gwaethach yn fy mywyd. Gwnaethon nhw orfodi dau arbediad gan Okonwko hefyd, un o bell, un arall pan frwydrodd Wrecsam i glirio’r bêl. Ond mae gan bawb cynllun tan iddyn nhw gael trawiad yn y geg. Daeth y trawiad efo 15 munud ar ôl, wedi’r cyflwyniad Steven Fletcher, pan wnaeth y gôl-geidwad llanast oddi wrth ergyd Elliot Lee i adael cyfle i Andy Cannon – dylai fo wedi gwneud yn well efo hynny hefyd. Roedd Paul Mullin yn gallu rhwbio halen yn y briw wedi 82 munud hefyd, wedi camddeall rhwng amddiffynnwr a’r gôl-geidwad i’w adael Mullin un yn erbyn un, i gyflawni buddugoliaeth hollbwysig. Os dych chi’n anwybyddu gôl yn amser ychwanegol gan Klaidi Lolos, ond wnaeth cefnogwyr Crawley ddim dathlu’r gôl chwaith!

Ddylech chi byth yn dathlu tan i chi wedi gwneud yn siŵr o’r wobr, ond mae Wrecsam yn agos rŵan. Mae’n bosib sicrhau’r dyrchafiad dydd Sadwrn tasai Wrecsam yn ennill ac mae Milton Keynes yn methu, ond mae’r canlyniad heno’n teimlo fel croen banana wedi’i osgoi heb broblemau o gwbl. Dim angen i ymladd â’r cefnogwyr neu gyd-chwaraewyr!

SUMMARY SAESNEG

A surprisingly fractious build up to this one with a couple of squabbles hid a huge opportunity to get most of the job done. Crawley were in great form and looked an accomplished side, but ultimately didn’t get a sniff once Wrexham hit the front. It’s hard enough against Paul Mullin without rolling the ball straight to him.

Cymru 4 Croatia 0 5/4/2024

Ar ôl y siom o’r dynion yn methu cynhwyso Ewro 2024, dyn ni’n dibynnu ar y tîm merched i droi pethau o gwmpas a chyrraedd eu pencampwriaeth gyntaf erioed. Mae’r FAW wedi dewis y Cae Ras fel y lleoliad i gychwyn eu hymgyrch rhagbrofol Ewro 2025 (yn cael ei gynnal yn Y Swistir). Mae’r system ragbrofol yn fwy cymhleth nag arfer – mae tair haen ac yn Lefel A bydd dau dîm yn cymhwyso’n uniongyrchol o bob grŵp. Yn anffodus mae Cymru’n chwarae yn Lefel B, felly hyd yn oed tasai Cymru’n ennill eu grŵp bydd angen i chwarae yn ddau rownd o gemau ail-gyfle i gyrraedd y bencampwriaeth. Mae’n i weld i mi fel system i benderfynu pwy sy’n chwarae heb gymaint o drafferth i’r gewri, a dw i ddim yn cytuno â dulliau fel hyn. Ond bydd Cymru’n rhan o’r gemau ail-gyfle beth bynnag tasen nhw’n osgoi’r safle gwaelod – basech chi’n gobeithio bydd hi’n bosib heb drafferth.

Mae’r tîm wedi wynebu heriau annisgwyl yn ddiweddar. Enillon nhw ddim ond un pwynt yn eu hymgyrch cyntaf yn y Gynghrair Genhedloedd Lefel A (canlyniad da iawn i gyfartalu 0-0 yn erbyn Yr Almaen) felly bydd y tîm yn chwarae yn Lefel B y tro nesa. Ond roedd syndod i weld y rheolwr Gemma Grainger yn ymddiswyddo a chymryd y swydd fel rheolwr Norwy. Gwnaeth hi swydd dda – roedd y tîm yn anffodus i golli allan o’r Cwpan y Byd – ond teimlodd llawer o bobl bod daeth y tîm yn ddiflas. Doedd y tîm ddim yn gyffrous i wylio ac roedd synnwyr bod hi’n rhy anodd i gael cyfle i chwarae tasech chi’n allan o’r tîm. Falle mae’r swydd Norwy wedi bod y canlyniad gorau i Grainger a’r tîm Cymru ar yr un pryd.

Rhian Wilkinson ydy’r rheolwr newydd. Mae hi’n chwaraewr profiadol iawn efo 181  o gapiau Canada (mae ei henw hi’n dod o’i fam Cymraes! Hefyd treuliodd hi amser yn Y Bont-faen fel plentyn). Mae hi wedi gweithio fel cynorthwywr i’r timau Lloegr a Phrydain Gemau Olympaidd, a’i swydd olaf oedd fel rheolwr Portland Thorns, yn ennill y bencampwriaeth NWSL yn 2022. Ond roedd rhaid iddi hi adael y swydd pan ofynnodd y chwaraewyr am ei ymddiswyddiad wedi’r llwyddiant. Mae’n ddiddorol i apwyntio rhywun ar ôl sefyllfa ddadleuol, yn enwedig ar ôl beth ddigwyddodd i Ryan Giggs fel rheolwr o’r tîm dynion cenedlaethol. Ond mi gaeth hi ei chlirio o gamymddwyn, a dw i ddim yn siŵr dylen ni gymharu’r ddwy sefyllfa. Allai Cymru ddim denu rhywun efo ei CV mewn amgylchiadau arferol yn fy marn i – gobeithio mae hi’n gallu ail-adeiladu ei gyrfa yma. 

Fy ngêm merched erioed oedd y gêm gyfeillgar rhwng Cymru ac Estonia yn y Cae Ras dim ond un wythnos cyn y cyfnod clo cyntaf yn 2020 (felly’r gôl gan Nadia Lawrence oedd fy ngôl olaf wedi’i gweld am chwe mis). Dw i wedi disgwyl y tîm i ddychwelyd yn gynharach na hyn achos roedd cyhoeddiad am gêm merched Cymru yn y Cae Ras ym mis Mawrth 2023…ond doedd hi ddim yn digwydd heb esboniad. Roedd achlust am CPD Wrecsam yn gwrthod y gêm i ddiogelu’r cae ond mae dyletswydd efo’r clwb i gynnal gemau fel hyn yng Ngogledd Cymru. Roedd 2000 o bobl yn mynychu’r gêm yn 2020 yn chwarae £5, ar ôl daeth 1000 i wylio’r gêm merched rhyngwladol yn Wrecsam yn erbyn Israel yn 2012, efo mynediad am ddim. Felly mae’r dorf o 4100 yn talu £10 i weld y gêm ‘ma yn dangos gwelliant, gobeithio mae’r FAW yn cytuno ac yn dod â’r tîm yn ôl i Wrecsam eto cyn bo hir (bydd y gemau eraill yn y grŵp yn digwydd yn Llanelli).

Croatia oedd yr ymwelwyr i brofi Rhian Wilkinson yn ei gêm gyntaf. Achos byddan nhw yn Lefel B yn y Gynghrair Genhedloedd nesa, ac yn ddiweddar maen nhw wedi stryglo sgorio’n aml (tebyg i Gymru), ro’n i’n disgwyl gêm gystadleuol a’r amddiffynwyr yn dominyddu. Ond yn yr hanner cyntaf mi gaeth Croatia lawer o gyfleoedd i ymarfer amddiffyn. Dechreuodd Cymru’n gyflym, un y pum munud agored roedd Angharad James yn agos o flaen y gôl, un ergyd heibio’r postyn gan Rachel Rowe, cyn i Rowe yn dod o hyd Jess Fishlock yn ofod i rolio’r gôl gyntaf heibio’r gôl-geidwad. Roedd hi’n anodd i orfodi gymaint o arbediadau am weddill yr hanner ond roedd Cymru’n amyneddgar ac yn dominyddu’r meddiant, efo Rowe ac Ella Powell yn beryglus ar y dde. Falle gallai Elise Hughes yn well efo peniad cyn yr egwyl, ond roedd Cymru’n gyfforddus, wrth Croatia’n stryglo dianc eu hanner.

Daeth Ffion Morgan ar y cae am yr ail hanner yn lle Powell (anffodus iddi hi) a gwnaeth Cymru’r niwed ymhen deg munud. Sgoriodd Fishlock yr ail hefyd ar ôl iddi hi ddilyn ei hergyd ei hun oddi ar y trawst i benio yn y gôl wag, ac un munud yn ddiweddar sgoriodd Rowe wedi symudiad cyflym i goroni perfformiad werth seren y gêm. Daeth y pedwerydd cyn bo hir ar ôl i James siglo at y postyn pellach i orffen wedi pas hir. Doedd dim byd i wneud i’r ymwelwyr heblaw gobeithio am drugaredd – a gwneud trosedd neu ddau. Roedd Cymru’n fodlon i reoli gweddill y gêm a gwneud eilyddion. Roedd  perfformiad bywiog Ceri Holland yn nodedig oddi ar y fainc, ac roedd hi’n anffodus i weld ergyd o bell yn taro’r trawst. Doedd dim ymateb ymosodol o Croatia o gwbl, ond Gemma Evans oedd yn effeithiol i dorri unrhyw gwrthymosod. Felly buddugoliaeth hawdd i gychwyn cyfnod ac ymgyrch newydd i Gymru.

Mae’r wythnos yng Ngogledd Cymru wedi bod yn bositif i’r tîm, efo’r ffocws ar ferched lleol Elise Hughes a Rhiannon Roberts, cyfle i dimau merched lleol i wylio’r tîm yn ymarfer, a buddugoliaeth o flaen torf annogol. Bydd y tîm yn gobeithio i ennill eto ar ddydd Mawrth yn Kosovo, sydd wedi colli yn erbyn Wcráin i gychwyn. Dewch yn ôl i Wrecsam cyn bo hir merched!

SUMMARY SAESNEG

Women’s national team crowds continue to move in the right direction. Wales’ performance was an almost perfect mix of dominating the ball and taking chances when on top. Hopefully this is the right job for Rhian Wilkinson to rebuild her career.

Y Waun 1 Porthmadog 1 1/4/2024

Ro’n i’n gobeithio am siwrne dros y ffin i dreulio amser cyn i mi ddychwelyd i’r gwaith ar ôl wythnos i ffwrdd. Does dim byd yn well i anghofio’r teimladau o boeni am beth sy’n aros ymhlith fy e-byst. Mi ges i ddewisiadau oherwydd rhestr lawn o gemau yn Cymru North a llond llaw yn y gynghrair Gogledd Dwyrain Cymru hefyd. Ond mae Whitchurch Alport yn un o fy hoff lleoedd i fynd. Mi es i yno’n union flwyddyn yn ôl, cyd-digwyddiad bach ( https://taithpeldroed.wordpress.com/2023/04/01/whitchurch-alport-2-walsall-wood-1-1-4-2023/ ) ond baswn i’n hapus i fynd yno’n amlach – yn yr erthygl blaenorol trafodais i’r cyfleusterau wych yno, gan gynnwys rhywbeth prin yng Nghymru, terasiad dan do. Ond am unwaith ro’n i eisiau gwneud rhywbeth gwahanol na pori drwy’r problemau yn pêl-droed Cymreig, ond yn mwynhau rhywbeth arall yn ei lle!

Dylai’r gêm heddiw wedi digwydd yn y Midland League, pum dyrchafiad o’r EFL. Mae’r lleoliad yn apelio i mi ond do’n i ddim yn siŵr am ddisgwyl gymaint o ddrama ar y cae. Doedd y ddau dîm yn mynd i fyny neu i lawr eleni, ac hyd yn oed mae cyfrif Facebook Alport wedi disgrifio’r ymwelwyr Shifnal fel cymdogion, dw i ddim siŵr mae hynny’n wir. Felly ro’n i’n dibynnu ar y gêm ei hun i ddarparu’r adloniant heb destun pwysicach. Falle dylwn i fod yn ddiolchgar am hynny, does dim byd yn fwy dramatig na’r gêm yma yn 2020 pan gyhoeddodd yr arweinwyr Prydeinig yr ail gyfnod clo tra i mi wylio Whitchurch v Skelmersdale yn y glaw…

Ond daeth y ddrama o rywle arall. Roedd y dydd yn wlyb weithiau, a sylwais i bobl yn gwneud sylwadau am y perygl o’r gêm yn cael ei ohirio. Roedd sylwadau yn y bore yn dweud bod y gêm yn mynd ymlaen, a dim byd arall…cyn i mi gyrraedd Whitchurch a sylwi post gan y clwb o 2:06yh yn ymddiheuro am na fydd y gêm ymlaen. Mae clybiau’n dibynnu ar wirfoddolwyr, ac mae’n gwneud synnwyr i drio cyflawni gemau ym mis Ebrill. Ond dydy o ddim yn dderbyniol i fethu dweud unrhywbeth o gwbl am arolygiad y cae tan i’r dyfarnwr ohirio’r gêm yn hwyr. Basai cyhoeddiad am y peth fod wedi gwneud gwahaniaeth i mi, hyd yn oed am 1:30 neu 2:00. Roedd y clwb yn amddiffynnol ar gyfrwng cymdeithasol ond dylen nhw wedi cyfathrebu’n well.

Felly gadawais i’r maes parcio – ar ôl i mi dalu! – yn trio achub y diwrnod. Gwybodais i gallwn i gyrraedd Y Waun i wylio’r ail hanner o’r gêm Cymru North yno. Do’n i ddim yn disgwyl gymaint o ddrama yno chwaith. Bydd Y Waun yn cwympo beth bynnag, ond ers y cadarnhad o’r cwymp maen nhw wedi ennill dwywaith allan o dri a gyfartalu’r llall – ble roedd y cyflwr ‘na’n gynharach! Ond mae’r ymwelwyr Porthmadog yn gwynebu sefyllfa’n fwy ansicr na hynny. Roedd angen i gael pwynt o leia i aros i fyny ar y cae, ond dydy pethau ddim yn syml yn Gymru. Mae Prestatyn yn aros am benderfyniad o’r cosb am ddewis chwaraewr anghymwys, ac yn sefyll yn y safle uwchben Porthmadog! Mae pobl wedi cael digon o’r sefylfeydd oddi ar y cae yn dylanwadu’r canlyniadau ond mae’n digwydd eto ac eto ac eto.

Cyrhaeddais i mewn pryd i weld amser ychwanegol yn yr hanner cyntaf. Roedd Y Waun ar y blaen yn barod, efo gôl sgoriwyd gan Rhys Edwards, chwaraewr sy’n gwisgo gwallt addas i Twisted Sister (does dim digon o bethau fel hyn yn bêl-droed). Ond yn yr ail hanner aeth y traffig dim ond un ffordd, o blaid Porthmadog. Aeth asgellwyr Porthmadog heibio chwaraewyr Y Waun yn haws yn aml, ac aeth y gôl i unioni cyn bo hir, gorffeniad syml gan Rhys Williams (Rhys is the word!). Mi ddaeth Borthmadog yn ôl eto ac eto ond rhywsut arhosodd Y Waun yn y gêm. Dylai Porthmadog wedi sgorio â foli efo amser a gofod, ac roedd ciciau rhydd a chiciau cornel i greu trafferth. Hefyd roedd dau arbediad campus gan Jack Edwards, gôl-geidwad newydd o’r Seintiau Newydd, un oddi ar y trawst. Derbynnodd o (a’r amddiffynnwr Jake Ellison) gerdyn melyn am wastraffu amser, i ddangos ble roedd y gêm yn mynd. Ond rhywsut gallai’r Waun wedi cipio’r fuddugoliaeth, ar ôl iddyn nhw daro’r postyn wedi gwyriad yn ystod ymosod prin. Yn y diwedd roedd angen i’r ymwelwyr setlo am ddim ond un pwynt. Digon i gael cyfle i aros i fyny ar y cae ond bydd rhaid iddyn nhw chwarae yn erbyn Treffynnon, felly maen nhw angen ffafr o’r FAW – rhywbeth eitha cyffredin beth bynnag!

Yn y diwedd mi ges i rywbeth allan o ddiwrnod anodd, gan gynnwys digon o gyfleoedd i ennill dwy gêm. Dw i ddim yn gwybod pryd dw i’n mynd i Whitchurch eto, ond bydd rhaid iddo fo ddydd sych iawn i ystyried y peth eto.

SUMMARY SAESNEG

If you’re having a pitch inspection it really is a minimum standard to actually tell people that it’s happening. Chirk had to grimly hang on in a second half where it all went Porthmadog’s way, although somehow they could also have won. We are in yet another situation where we are waiting for points deductions to influence where teams finish.

Wrecsam 2 Mansfield 0 29/3/2024

Dyn ni’n agosáu’r rhan hollbwysig o’r tymor ym mhob cynghrair. Mae’n enwedig yn wir yn League 2 ar hyn o bryd, efo chwe dîm yn brwydro i gael un o’r tri safle dyrchafiad awtomatig. Heddiw oedd un bwysig i Wrecsam hefyd, efo Mansfield yn dod ar frig y tabl, ac mae’r timau eraill yn chwarae gemau basech chi’n disgwyl eu bod nhw i ennill. Yn sydyn mae cyflwr Wrecsam yn edrych yn rhyfedd, efo cymysg o ganlyniadau gartre Ras gan gynnwys colledion yn erbyn Tranmere a Bradford, ond dim ond un golled oddi cartref allan o chwech. Heddiw oedd y cyfle perffaith i ail-adeiladu hyder er her enfawr i wneud hynny.

Cyn y gêm roedd llawer o drafodaeth am y sefyllfa ariannol oherwydd cyhoeddiad y cyfrifon 2022/23. Mae’r clwb wedi colli £5 miliwn o bunnau dros y tymor, yn gadael dyled o £9 miliwn i’r perchnogion. Dyma rywbeth gwerthfawr i drafod. Dw i’n gallu cofio’n glir sut mae Ryan Reynolds wedi dweud bod na fydd angen i fuddsoddi efo dyled ar ôl iddo fo dderbyn cwestiwn uniongyrchol am y peth yn ystod eu cyflwyniad i’r aelodau WST yn 2020. Doed dim byd annisgwyl am fenthyg arian i glybiau fel perchennog, ond dwedodd o’r peth gwrthwyneb ar y pryd, a ddylen ni ddim yn anghofio hwn. Dw i ddim yn disgwyl gymaint o risg i’r clwb achos mae’r clwb wedi bod yn llwyddiannus ar y cae ac oddi ar y cae. Ond dw i ddim siŵr dylai perchnogion yn llwytho’r risg i gyd ar y clwb a diogelu eu hunain – mae’n iawn i Wrecsam, ond yn fentrus i glybiau eraill. Gallwn i dderbyn y ffaith os roedd y perchnogion yn onest ar y pryd, hyd yn oed heb gytuno a’r ymdrin, ond dw i ddim siŵr pam neb yn siarad am y clwb yn torri addewidion.

Erbyn tri o’r gloch, doedd neb yn poeni am faterion oddi ar y cae, heblaw’r cymysg o amodau tywydd, weithiau daeth y gwanwyn, weithiau glaw drwm. Roedd hi’n anodd i ymdopi’n gynnar, a doedd yr hanner cyntaf yn glasur. Dylai Elliot Lee yn mynd ar ben ei hun i Wrecsam, ac roedd Wrecsam yn lwcus i osgoi cosb ar ôl iddyn nhw greu eu problemau eu hunain. Ond pan aeth y cyfle cyntaf, mi aeth o i Wrecsam, wedi pas wych o’r amddiffyn gan Max Cleworth i ddod o hyd Andy Cannon, i groesi at Paul Mullin, a dydy o ddim yn methu yno. Aeth y gôl allan o nunlle i ddweud y gwir, ac heblaw un ergyd gan Mansfield drwy’r cyrff heibio’r postyn doedd dim digwyddiadau eraill. Nid adloniant i’r cynulleidfa ar Sky ond dim cwyniant i’r dîm Phil Parkinson, yn enwedig oherwydd gêm tawel Davis Keillor-Dunn, cyn-chwaraewr Wrecsam.

Gwelon ni ddechrau positif gan Wrecsam wedi’r egwyl ond trododd y gêm mewn cyfnod lwcus iddyn nhw. Daeth Arthur Okonkwo i ymyl y cwrt cosbi i gasglu’r pêl, ond cipiodd Keillor-Dunn y pêl i ergydio i’r gôl wag, ond penderfynodd y dyfarnwr fod trosedd ar y gôl-geidwad. Tipyn bach yn feddal yn fy marn i ond doedd neb yn dadlau â’r dyfarnwr. Cyn bo hir, aeth Wrecsam i fyny’r cae, ac er rhai pasiau llac roedd digon o berygl i ddenu trosedd ar Luke Bolton yn y cwrt cosbi. Roedd y cic o’r smotyn gan Mullin yn agos i’r gôl-geidwad ond yn bwerus i’r to’r rhwyd. Roedd 25 munud ar ôl ond doedd dim lot o gred gan yr ymwelwyr; gadawodd Keillor-Dunn i gyflwyno chwaraewyr uniongyrchol, ond roedd gôl arall Wrecsam yn fwy tebygol. Yn y diwedd roedd dwy gôl yn ddigon heb gymaint o bryder…heblaw am y glaw.

Diwrnod llwyddiannus i Wrecsam, efo Mullin yn edrych yn hyderus eto, a pherfformiadau da iawn gan Andy Cannon yng nghanol cae a Luke Bolton ar y dde. Mae Crewe wedi cael gêm ddi-sgôr felly mae’r gemau ail-gyfle’n edrych yn debygol iddyn nhw, ond mae’r pump eraill yn dal yn cystadlu am y pencampwriaeth. Ymddangosodd enfys ar y chwiban olaf, falle bydd aur ar ei ben i Wrecsam cyn bo hir. Dyn ni’n gallu anghofio am y dyled os mae hynny’n wir.

SUMMARY SAESNEG

Pre-match chat about debt is soon forgotten when the ball comes out. Mansfield were ultimately kept quiet with Davis Keillor-Dunn having a quiet, but unlucky, return. Paul Mullin looks like he has his confidence back.

Wrecsam Merched 2 Abertawe 3 24/3/2024

Dw i heb ddweud hwn gynt ond dw i ddim yn hoffi gemau ar ddydd Sul. Yn fy marn i, dylech chi dreulio dydd Sul yn cerdded o gwmpas y sŵ, neu balu ar y traeth, neu fwyta cacen mewn caffi Ymddiriedaeth Genedlaethol, neu ddelio efo eich pen mawr. Fel ffan rygbi gynghrair, rhaid i chi ddod i arfer gemau ar ddydd Sul ond mae’n wastad yn teimlo fel dylech chi fod rhywle arall – roedd fy nheulu yn y fferm hufen iâ Cheshire yn y bore cyn y gêm ‘ma. Ond mae’r gêm merched yn gyffredinol wedi setlo ar ddydd Sul, ac mae’n gwneud synnwyr. Mae angen i rannu cyfleusterau efo’r gêm dynion a denu sylw pan nad ydyn nhw’n chwarae. Heddiw, roedd gêm cyffrous i’r tîm merched Wrecsam hefyd. Roedd gêm lwyddiannus iawn ganddyn nhw’r llynedd pan ddaeth dros 9000 o bobl i wylio eu gêm yn erbyn Cei Connah ( https://taithpeldroed.wordpress.com/2023/03/26/wrecsam-merched-2-cei-conna-1-26-3-2023/ ). Dw i wedi cael llawer o bethau i ddweud am y penderfyniad i chwarae yn y Graig y tymor ‘ma felly doedd dim angen i ail-adrodd. Felly, teimlais i fel y gêm yn erbyn Abertawe yn y Cae Ras oedd yn bwysig i gefnogi am sawl rheswm, i ddangos dylai’r tîm yn dychwelyd yn amlach, ac achos mae’r tîm yn haeddiannol o’r achlysur wedi tymor llwyddiannus, beth bynnag sy’n digwydd am weddill y tymor.

Mae’r tîm merched wedi cyrraedd y rownd derfynol Cwpan Cymru yn Rodney Parade, Casnewydd oherwydd buddugoliaeth yn erbyn Y Seintiau Newydd ( https://taithpeldroed.wordpress.com/2024/03/03/wrecsam-merched-1-y-seintiau-newydd-0-3-3-2024/  ). Mae rhai pobl wedi cwyno am y lleoliad ond dylen nhw chwarae eu gemau mwyaf mewn stadiwms fwy. Ond mae’n amlwg bod y gêm yn gorffen am 8yh ar nos Sul yn anghyfleus, a dydy’r tocynnau £91 am drên i Gasnewydd ddim yn apelio (fydd bws i gefnogwyr? Dylai un yn sicr). Felly, mae’r cyfle i chwarae yn y Cae Ras yn bwysicach eto achos hwn oedd y cyfle gorau i longyfarch y tîm am eu gwaith anhygoel y tymor ‘ma. Hefyd, roedd angen i gyfnerthu’r tîm wedi cychwyn anodd yn y gynghrair ar ôl yr hollt. Dechreuodd Wrecsam efo colled 3-2 yn Abertawe, y perfformiad gorau yn erbyn y gawresau De Cymru ers gêm gyntaf y tymor (hefyd yn erbyn Abertawe). Ond daeth Wrecsam i’r gêm yn y Cae Ras ar ôl golled 6-1 yn erbyn Caerdydd. Doedd y gêm ddim yn adlewyrchu’r perfformiad gan Wrecsam yn ôl y bobl yno i wylio, a Gemma Owen o’r clwb, ond mae Wrecsam wedi colli pedwar allan o bedwar yn drwm yn erbyn y pencampwyr (sgôr cyfanswm 15-2 i Gaerdydd hyd yn hyn, efo dwy gêm i fynd, gan gynnwys y gêm derfynol Cwpan Cymru). Ro’n ni’n gobeithio am adwaith o flaen llwyfan mwy yn y Cae Ras.

Abertawe oedd yr ymwelwyr i’r Cae Ras, felly doedd dim cyfle hawdd i ail-adeiladu hyder. Mae Caerdydd yn dal y ffefrynnau i ennill y gynghrair, ond oherwydd eu buddugoliaeth yn erbyn y pencampwyr cyn yr hollt, mae gan Abertawe gyfle bach i gipio’r bencampwriaeth. Bydd rhaid iddyn nhw ennill y ddwy gêm ar ôl yn erbyn Caerdydd, ond mae cyfle bach yn dal yn gyfle, ac yn ystod y gêm olaf yn erbyn Wrecsam, dangoson nhw pa mor beryglus eu bod nhw’n gallu bod. Y gêm yn Llandarcy oedd y sioe Katy Hosford, yn creu perygl di-baid ar y chwith a sgorio dwywaith. Mae Stacey John-Davis yn un o’r chwaraewyr mwyaf talentog yn y gynghrair hefyd, felly roedd angen i Wrecsam osgoi creu eu trafferth eu hunain fel yr wythnos flaenorol. Bydd Abertawe yn wynebu Caerdydd unwaith eto yn y Tlws Adran hefyd, felly roedd y gêm yn un heriol iawn yn erbyn tîm yn dal yn cystadlu am wobrau ac yn edrych defnyddio’r gêm yn Wrecsam fel carreg sarn i’r gemau yn erbyn eu cydymgeiswyr mwyaf.

Roedd llawer o bethau annisgwyl, gan gynnwys prynhawn heulog yn y Paddock, fy nhro cyntaf yno am flynyddoedd. Mi ddaeth Abertawe heb John-Davis, a dechreuodd Wrecsam efo tair yn amddiffyn, Carra Jones fel wing-back a Brooke Cairns yn cefnogi Rosie Hughes. Roedd y ddau dîm yn ymosod o’r cychwyn. Roedd Keren Allen yn lwcus i ennill trosedd i beidio Robyn Pinder o’r cyfle yn erbyn gôl-geidwad Del Morgan, ond roedd gyfleoedd i Cairns hefyd, un heibio’r postyn ac un arall dros y drawst, ac roedd angen i glirio oddi ar y llinell gan Abertawe. Daeth y gôl cyntaf allan o nunlle, sylwodd Lili Jones y gôl-geidwad Chelsea Herbert oddi ar ei llinell, a churodd lob i fanteisio – gôl gampus! Basai pethau wedi bod yn ddiddorol os mae Wrecsam wedi cyrraedd yr egwyl efo’r fantais, ond ymhen saith munud ennillodd Abertawe cic o’r smotyn wedi camgymeriad gan Allen – hanner anodd iawn iddi hi. Sgoriodd Robyn Pinder i unioni er lawer o waith caled gan y ddau dîm.

Yn syth ar ôl yr ail-gychwyn gwelon ni’r un lefel o ddwyster. Ymhen eiliadau caeth Cairns gyfle wych un yn erbyn un, ond cymerodd hi ormod o amser i ergydio. Basai hi wedi bod yn haeddiannus o gôl o berfformiad seren y gêm, yn fy marn i. Basai Wrecsam yn difaru’r methiant; ar ôl iddyn nhw glirio cic cornel, defnyddiodd Monet Legall yr ysbryd o Tony Yeboah i sgorio oddi ar y bar – gôl wych arall. Ond roedd Wrecsam yn benderfynol i ddal ati, er berygl gwrthymosod Abertawe, efo’r angen tacl wych gan Allen i beidio Hosford, ac arbediad ar y postyn agosach gan Del Morgan. Pan ddaeth y gôl i unioni gan Rosie Hughes, hwn oedd yn haeddiannus, efo’r eilydd Annie Small yn gwneud gwahaniaeth. Sgoriodd Hughes efo peniad wedi croesiad da gan Carra Jones i greu sŵn uchel o’r cefnogwyr. Ond mae pêl-droed yn creulon. Yn amser ychwanegol tarodd TJ Dickens (eilydd arall) y postyn o’r cic cornel ond ymhen un munud aeth Abertawe i fyny, daeth croesiad i mewn y cwrt cosbi gan Ellie Lake, heibio pawb i ddod o hyd y rhwyd. Roedd y dathliadau’n wyllt, gwybododd Abertawe bod y buddugoliaeth yn anodd, ond maen nhw’n dal yn ddi-guro yn erbyn Wrecsam y tymor ‘ma.

Yn y diwedd roedd yr achlysur yn llwyddiannus. Roedd  y canlyniad yn siomedig er berfformiad annogol gan Wrecsam; hwn oedd y tro cyntaf teimlais i fel dylai Wrecsam wedi ennill allan o’r wyth gêm hyd yn hyn yn erbyn Abertawe a Chaerdydd. Rhaid i mi gyfaddef am obeithio gweld torf mwy i’w wylio. Ar yr un llaw, falle ddylwn i ddim bod wedi bod yn disgwyl rhywbeth i herio’r 9000 o’r llynedd, hwn oedd “mellt mewn potel” (ymddiheuriadau am yr idiom Saesneg! Dim syniad os mae’n cyfieithu neu beidio). Hefyd, mae’r tîm wedi cael ei dorf uchaf y tymor ‘ma o 700 cyn heddiw, ac wedi setlo i 300-350 yn ddiweddar, felly denu 2008 i’r Cae Ras yn dda mewn cynghrair hanner proffesiynol – dw i wedi gwylio’r dynion o flaen torf llai yn y 21ain ganrif. Ond ar y llaw arall dw i’n teimlo fel gallai’r clwb wedi gwneud mwy i ddenu mwy. Mi gaeth y gêm yn erbyn Cei Connah y cyfle i adeiladu tocynnau wedi’u gwerthu dros sawl wythnos, ac roedd llai o rybudd am y gêm ‘ma. Hefyd, doedd dim sôn am y gêm ar unrhyw o’r negeseuon e-bost wythnosol o’r clwb. Ond dyn ni wedi gweld yn union pam dylai’r tîm merched yn dychwelyd yn amlach yn fy marn i – gobeithio y tro nesa fel ennillwyr y cwpan? Bydd yr her nesa yn perfformio fel hyn yn erbyn y pencampwyr.

SUMMARY SAESNEG

I still feel like I should be somewhere else when I’m at a game on a Sunday. This was the first game where I felt like Wrexham should have beaten one of the South Wales big two. The occasion was successful but it feels like it could have been more so.